Azərbaycanda 22 nəfər YANARAQ ÖLDÜ

Azərbaycanda bu il baş verən fövqəladə hadisələrin statistikası açıqlanıb.

Fövqəladə Hallar Nazirliyindən Lent.az-a verilən məlumata görə, bu ilin birinci rübündə respublika ərazisində 3584 təbii və texnogen mənşəli hadisə baş verib.

Nəticədə 23 nəfər ölüb, 70 nəfərə xəsarət  alıb, 42 nəfər xilas edilib. 

Məlumatda qeyd olunur ki, bu il Azərbaycanda 15 partlayış hadisəsi baş verib ki, nəticədə 1 nəfər ölüb, 14 nəfər xəsarət alıb. 

Bu il Azərbaycanda baş verən 440 yanğın hadisəsi zamanı isə 22 nəfər ölüb, 56 nəfər yaralanıb.

Lent.az