Azərbaycanda məktəblər fevralın 1-dən açılır?
Azərbaycanın ümumtəhsil müəssisələrində fevralın 1-dən etibarən tədris prosesinin bərpa olunacağı gözlənilir.
Artıq məsələ ilə bağlı müvafiq qurumlar tərəfindən məktəblərə tapşırığın verildiyi bildirilir.
Belə ki, təhsil müəssisələrində tədrisin başlamasına hazırlıq işləri görülür.
Məlumata görə, fevralın 1-dən ibtidai siniflər növbəli şəkildə, həftədə iki-üç dəfə, fevralın 15-dən sonra isə V və IX siniflərin şagirdləri məktəbə gedəcək.
Yanvarın 22-də Təhsil naziri Emin Əmrullayevin iştirakı ilə 6 nömrəli məktəb-liseydə məktəblərdə tədrisin bərpasına həsr olunan brifinq keçiriləcəyi bildirilib.
Koronavirus pandemiyası səbəbindən hazırda dərslər distant qaydada təşkil olunur.
REPORT.AZ
