BƏƏ BMT Təhlükəsizlik Şurasına sədrliyi İsveçrədən qəbul etdi
Bu barədə Publika.az BMT Təhlükəsizlik Şurasının saytına istinadlaxəbər verir.
Qeyd edək ki, BƏƏ-nin BMT-dəki daimi nümayəndəsi Lana Nusseibe bu ay Təhlükəsizlik Şurasının iş proqramını jurnalistlərə təqdim edərkən Rusiyanın Ukraynaya təcavüzündən bəhs etməyib.
“Ukrayna ilə bağlı suallar bu aya planlaşdırılmayıb, lakin məncə, Təhlükəsizlik Şurasının üzvü bu sualları qaldıracaq”, – o, jurnalistlərin suallarını cavablandırarkən deyib.
Onun sözlərinə görə, iyunda Təhlükəsizlik Şurasının gündəliyinə CAR, Liviya, Konqo Demokratik Respublikası, Sudan, Əfqanıstan, Somali və Suriyadakı vəziyyətlə bağlı məsələlər daxil edilib. O, mühüm iş sahələri arasında iqlim dəyişikliyi problemini və nifrət nitqinə qarşı mübarizəni də qeyd edib.
Təhlükəsizlik Şurasının Katibliyi həmçinin bildirib ki, iyun ayında hadisələrin inkişafından asılı olaraq Ukraynadakı vəziyyətə həsr olunmuş bir və ya bir neçə iclas keçirə bilər.
BMT Təhlükəsizlik Şurasına sədrlik onun üzvləri arasında hər ay növbə ilə həyata keçirilir. May ayında İsveçrə, iyunda BƏƏ, iyulda isə cədvələ uyğun olaraq Britaniyaya sədrlik edəcək.
Publika.az
