BƏƏ-də sionist rejimin “Barak 8” raketdən müdafiə sistemi quraşdırılıb-Foto

Bu gün ibrani mənbələri sionist rejimin BƏƏ-dəki hava bazası ətrafında inşa etdiyi Barak 8 raketdən müdafiə sisteminin yerləşdirildiyini açıqlayıb.

Sionist Kan şəbəkəsinin iddiasına görə, BƏƏ-nin Hava Hücumundan Müdafiəsi ötən ilin yanvarında “Barak 8” raketdən müdafiə sisteminin (Yəmən raketlərinə qarşı) uğurlu fəaliyyətindən sonra Amerikanın “Hawk” raketdən müdafiə sistemini sıradan çıxararaq onu sionist rejimin məhsulu olan Barak 8-lə əvəzləyib.

Müvafiq olaraq, Barak 8 raketdən müdafiə sistemi bu yaxınlarda Birləşmiş Ərəb Əmirliklərindəki aviabazanın ətrafında yerləşdirilib.

İbrani mənbələrinin bildirdiyinə görə, bu aviabazanın ətrafından peykdən çəkilmiş görüntülər onun ətrafında Barak-8 raketdən müdafiə sistemi ilə yanaşı, Elta EL-2084 radar sisteminin də quraşdırıldığını göstərir.

Bundan əvvəl məlumatlı mənbələr 2022-ci ilin yanvarında Yəmən raketləri qarşısında Barak 8 raketdən müdafiə sistemindən BƏƏ-nin Hava Hücumundan Müdafiəsindən istifadə etdiyini açıqlamışdı. Ona görə də bu hadisədən sonra BƏƏ və sionist rejim hakimiyyətləri Əbu-Dabinin Barak 8 və Spyder raketdən müdafiə sistemlərindən istifadə etməsi ilə bağlı müzakirələr aparıb və bu da razılaşmalara səbəb olub.

Qeyd edək ki, 2022-ci il yanvarın 30-da sionist rejimin başçısı İsaak Hersoqun Birləşmiş Ərəb Əmirliklərinə səfəri ilə eyni vaxtda Yəməndən Dubaya doğru ballistik raket atılıb.

O zaman Amerika mənbələri Patriot raketdən müdafiə sisteminin bu raketi vura bilmədiyi, lakin sionist rejimin hazırladığı raketdən müdafiə sisteminin bu raketi hədəfə aldığını və məhv etdiyini açıqlamışdı.