Bəhreyn xalqının demokratiya istədiyi vurğulandı

Sizinyol xarici KİV-ə istinadən xəbər verir ki, Bəhreyn Milli Əl-Vefaq Cəmiyyəti öz twitter səhifəsində Bəhreyn xalqının ölkədə demokratiya, qanunun aliliyi və ədalət istiqamətində bir dəyişiklik istədiyini açıqlayıb.

Əl-Vefaq Cəmiyyəti belə əlavə edib: “Bəhreyn xalqının tələbləri, xalqın rəyinə əsaslanan demokratik və real bir hökumətə siyasi keçiddir.”

Bu cəmiyyət həmçinin belə qeyd edib: “Bəhreynlilərin tələbləri bütün beynəlxalq və humanitar dəyərlər, qanunlar və beynəlxalq konvensiyalarla təsdiqlənmiş qanuni və insanı tələblərdir.”

Əl-Vefaq əlavə edib: “Bəhreynlilərin istədikləri, dünyanın əksər xalqlarının sahibi olduqları təbii və ayrılmaz bir haqdır.”

Əl-Vefaq cəmiyyəti həmçinin qeyd edib ki, Bəhreyn xalqı rejimin zülm və diktatorluğuna, ədalətin olmamasına, güc və zor tətbiq edərək ölkənin hüquq və idarəçiliyinin məhv edilməsinə qarşı olduqlarını vurğulayıb.