Bakı: Ermənistanın Gəncəyə raket zərbəsi 5 ölü və 17 yaralıya səbəb oldu
Azərbaycan Respublikası Fövqəladə Hallar Nazirliyi, Ermənistan silahlı qüvvələrinin bu gün (bazar günü) Gəncə şəhərinə etdiyi raket hücumunda 5 nəfərin öldüyünü və 17 nəfərin yaralandığını açıqladı.
Gəncə paytaxt Bakıdan 368 km məsafədə yerləşir və Azərbaycan Respublikasının ikinci böyük şəhəridir.
Azərbaycan Respublikası Fövqəladə Hallar Nazirliyinin yaydığı açıqlamaya görə, çoxmərtəbəli yaşayış binasına raket zərbəsi nəticəsində 5 sakinin cəsədləri və yaralanan 17 nəfər dağıntılar altından çıxarıldı.
Məlumata görə, erməni qüvvələrinin Gəncəyə raket hücumları şəhərdəki digər yaşayış binaları və xidmət sahələrinə də ziyan vurub.
Hazırda digər sakinlərin dağıntılar altından çıxarılması üçün xilasetmə işləri aparılır.
Xəbərin yayılmasından bir neçə saat sonra Ermənistan Müdafiə Nazirliyi Gəncəyə raket hücumlarını təkzib etdi.
Ermənistan və Azərbaycan Xarici İşlər Nazirləri arasında Moskvada keçirilən görüş zamanı atəşkəslə bağlı razılıq əldə edilməsinə baxmayaraq, dünən gecə və bu səhər mübahisəli Dağlıq Qarabağ bölgəsində şiddətli döyüşlərin baş verdiyi barədə xəbərlər gəldi.
