Bakıda qadın skeleti tapıldı
Bakıda qazıntı zamanı qadın meyiti tapılıb.
Baş Prokurorluqdan Lent.az-ın soruğusuna cavab olaraq, bildirilib ki, dekabrın 19-u saat 13 radələrində Sabunçu rayonu, Bilgəh qəsəbəsi ərazisində “AzBadam” şirkətinə məxsus badam bağlarında traktorla qazıntı işləri aparılarkən 1 metr dərinlikdə sellofan torbaya bükülmüş vəziyyətdə şəxsiyyəti müəyyən edilməyən qadın cinsli çürümüş meyitin qalıqları aşkar edilib.
Dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilmiş, müvafiq qaydada nümunalər götürülərək ekspertizaya təqdim edilib.
Faktla bağlı Sabunçu rayon prokurorluğunda araşdırma aparılır.
Lent.az
