Bayden 1979-cu ildə İrana qarşı tətbiq edilən sanksiyaları uzadıb

ABŞ prezidenti Co Bayden İrana qarşı tətbiq edilən fövqəladə vəziyyət rejiminin bir il müddətinə uzadılmasına qərar verib, bununla da İrana qarşı birtərəfli sanksiyalar nəzərdə tutulub.

Bu barədə Ağ Evin mətbuat xidmətinin yaydığı bəyanatda deyilib.

Co Baydenin qeyd edib ki, “[ABŞ] İranla münasibətləri hələ də normallaşdırılmayıb” və “19 yanvar 1981-ci il tarixli [ikitərəfli] razılaşmaların icrası prosesi davam edir”. Söhbət ABŞ və İran arasında Əlcəzair razılaşmasından gedir. Onlar 1979-cu il inqilabından sonra Tehranda bir ildən çox girovluqda qalan amerikalı diplomatların azad edilməsinə səbəb olub. Bu sənədlər, xüsusilə, ölkələrin bir-birinin daxili işlərinə qarışmaması prinsipini təsbit edib.

“Bu səbəbdən 1979-cu il noyabrın 14-də elan edilən milli fövqəladə vəziyyət, eləcə də bu fövqəladə vəziyyətə qarşı mübarizə üçün həmin dövrdə tətbiq edilmiş tədbirlər 2024-cü il noyabrın 14-dən sonra da qüvvədə qalmalıdır”, – deyə qeyd edilib. “İranla bağlı milli fövqəladə vəziyyətin müddətini bir il uzadıram”, – deyə ABŞ prezidenti əlavə edib.