Belçika polisi Avropa Parlamentinin binasında axtarış aparıb
Belçika polisi korrupsiya ilə bağlı araşdırma çərçivəsində Avropa Parlamentinin binasında axtarış aparır.
APA xəbər verir ki, bu barədə AFP məlumat yayıb.
Axtarışlar Qətərdə keçirilən dünya çempionatı ilə bağlı korrupsiya işi çərçivəsində aparılır.
Bu hadisə Avropa Parlamentinin sədr müavini Eva Kaylinin və daha üç nəfərin həbsinə səbəb olmuşdu.
Belçika federal prokurorluğunun məlumatına görə, bu, dörd gün ərzində artıq 20-ci axtarışdır.
Daha öncə Belçika prokurorluğu polisin böyük xüsusi əməliyyat keçirməsi, bu əməliyyat zamanı keçmiş Avropa Parlamentinin deputatı və Beynəlxalq Həmkarlar İttifaqları Konfederasiyasının prezidenti də daxil olmaqla, 4 nəfərin saxlanıldığı barədə məlumat yaymışdı.
Apa.az
