Belçikanın xarici işlər naziri isveçli azarkeşlərin qətlini terror aktı adlandırıb
![Belçikanın xarici işlər naziri isveçli azarkeşlərin qətlini terror aktı adlandırıb](https://sizinyol.org/wp-content/uploads/2023/10/652db109c2908652db109c29091697493257652db109c2906652db109c2907.png)
Belçikanın xarici işlər naziri Aja Labib Brüsseldə iki isveçli futbol azarkeşinin öldürülməsini terror aktı adlandırıb.
Bu barədə nazir X sosial şəbəkəsindəki səhifəsində yazıb.
“Brüsselin tam mərkəzində iki nəfərin ölümü ilə nəticələnən terror aktı məni dəhşətə gətirir. Radikalizmlə mübarizə üçün bütün lazımi vasitələr səfərbər edilməlidir”, – deyə o bildirib.
“Sudinfo” portalının xəbərinə görə, Brüsseldə atışmanı həyata keçirən şəxs İŞİD terror qruplaşmasının üzvüdür.