Beynəlxalq Dəniz Təşkilatında sionist rejimin İrana qarşı cinayəti ifşa edilib

İran İslam Respublikasının Beynəlxalq Dənizçilik Təşkilatındakı nümayəndəsi bu qurumun Təhlükəsizlik Komitəsinin iclasında, sionist rejimin hücumları zamanı şəhid olmuş Limanlar və Dənizçilik Təşkilatının əməkdaşlarından birinin fotosunu nümayiş etdirərək, bu vəhşicə cinayətin dünya miqyasında məhkum edilməsini tələb edib.

İRNA-nın məlumatına görə, İran İslam Respublikasının Beynəlxalq Dənizçilik Təşkilatındakı daimi nümayəndəsinin müavini Purya Kulivənd bu təşkilatın Təhlükəsizlik Komitəsinin iclasında çıxış edərək sionist rejimin son hərbi hücumuna toxunaraq bildirib ki, bu hücum nəticəsində bir ailənin 9 üzvü, o cümlədən Limanlar və Dənizçilik Təşkilatının əməkdaşı şəhid olub.

O, bu dəhşətli cinayətdən dərin təəssüf hissi keçirdiyini bildirərək deyib: Sionist İsrail rejiminin İran İslam Respublikasına qarşı vəhşi və qeyri-qanuni təcavüzünün son saatlarında çox acı bir faciəni qeyd etməliyik: 9 nəfərlik bir ailənin şəhid olması; onların arasında Dənizçilərlə iş üzrə bölmədə fəaliyyət göstərən həmkarımız da vardı.

Kulivənd əlavə edib ki, bu dəhşətli hücum gecə saatlarında İranın şimalında yerləşən kiçik bir şəhərdə, tamamilə mülki və sakit bir yaşayış binasına qarşı həyata keçirilib – bölgədə heç bir hərbi və ya nüvə obyektinin olmamasına baxmayaraq, hücumun hədəfi, günahsız mülki şəxslərin yatdıqları vaxt bir ailəyə məxsus ev idi.

İran nümayəndəsi çıxışında deyib: Şəhid olanlar arasında hörmətli bir dəniz təlimçisi və keçmiş baş zabit Hamid Sabir də vardı. O, 7 yaşlı oğlu, həyat yoldaşı, yaşlı valideynləri, bacısı, bacısı qızı və bacısının həyat yoldaşı ilə birlikdə şəhid oldu. Bu dəyərli ailənin itirilməsi – onların arasında dövlətə sədaqətlə xidmət edən insanlar da var idi – acı hadisə həm dənizçilik camiəsində, həm də bütün ölkədə dərin hüzn və sarsıntı yaradıb.

Kulivənd əlavə edib: Bu iyrənc cinayət bir daha sübut etdi ki, İsrail rejimi – Qəzzədə olduğu kimi – heç bir əxlaqi, dini və ya insani prinsipə sadiq deyil. Təkrar-təkrar qadınları, uşaqları və günahsız mülki şəxsləri hədəf almaq, təəssüf ki, bəzi ölkələrin dəstəyi ilə mümkün olmuş köklü bir vəhşilik nümunəsidir.