Bin Salman Xaşeqçinin qatilinə İsraillə münasibətlərin normallaşdırılmasını təbliğ etmək üçün tapşırıq verib

Səudiyyənin hakim ailəsinin xəbərçisi elan edib ki, Səudiyyə kral ofisinin keçmiş müşaviri Məhəmməd bin Salmanın əmri ilə İsraillə münasibətlərin normallaşmasına yardım edən böyük ofislərdən birinə rəhbərlik edir.

Səudiyyənin hakim ailəsinin ifşaçısı və tənqidçisi səudiyyəli jurnalist Camal Xaşeqçinin birinci dərəcəli qatili Müctəhid tvitter hesabında yazıb:

Səudiyyə kral ofisinin keçmiş müşaviri Səud Əl-Qəhtani Səudiyyə Ərəbistanının vəliəhd şahzadəsi Məhəmməd bin Salmanın əmri ilə İsraillə münasibətlərin normallaşmasını təbliğ edən böyük ofislərdən birinə rəhbərlik edir. Ofisdə ərəb millətindən olan 12 işçi çalışır və büdcəsi ildə 4 milyon dollardır. İraqlı bir şəxs onun direktorudur.

Səudiyyə Ərəbistanının Xarici İşlər naziri Feysəl bin Fərhan bundan əvvəl ölkə və İsrailin, eləcə də bütün bölgənin münasibətlərin normallaşmasından böyük fayda görəcəyini bildirmişdi.

O, Davos İqtisadi Forumunda “Fələstin məsələsi həll olunmayana qədər biz bu faydaları heç vaxt əldə edə bilməyəcəyik.” – deyib.

Münasibətlərin normallaşdırılması prosesin son nəticəsidir.

Səudiyyə Ərəbistanı 2001-ci ildə ərəb sülh planını təqdim etdi, ondan əvvəl başqa bir sülh planı da təqdim etmişdi. Bütün bunlar İsraillə tam normallaşmaya gətirib çıxarır.

Səud Əl-Qəhtani 2018-ci ildə Səudiyyə Ərəbistanının İstanbuldakı konsulluğunda Səudiyyə komandası tərəfindən qətlə yetirilən tənqidçi səudiyyəli jurnalist Camal Xaşeqçinin qətlində ilk təqsirləndirilən şəxsdir. O, Səudiyyə fəallarına işgəncə verməklə məşğuldur.