Bir fələstinli Məscidül-Əqsanın qarşısında şəhid edildi
Sizinyol xarici mediaya istinadən xəbər verir:
Bir fələstinli Məscidül-Əqsa qarşısında sionist silahlılar tərəfindən güllələndi.
Fələstin Maa xəbər agentliyinin verdiyi məlumata görə, İsrail əsgərləri bazar ertəsi axşam işğal altındakı Qüdsün köhnə hissəsindəki “Babu Hittə” bölgəsində bir gənc fələstinlini güllələyərək öldürdü.
Məscidül-Əqsada olan şahidlər silah səsləri eşitdiklərini və daha sonra Məscidül-Əqsa və girişlərinə yerləşdirilən sionist silahlılarının məscid qapılarını bağladıqlarını bildirdi.
Bu vaxt, Sionist rejimin hərbçiləri, zabitləri və kəşfiyyat qüvvələri Qüds şəhərinin köhnə hissəsinin darvazaları qarşısında yerləşmiş və metal çəpərlər qoyaraq insanların giriş-çıxışının qarşısını almışlar.
İbrani dilli media bu vaxt bir polis məmurunun yaralandığını və yarasının səthi olduğunu bildirdi. İsrail mətbuatı İsrail polisinə istinadən bir fələstinlinin Məscidül-Əqsa girişində polisə atəş etməyi planlaşdırdığını iddia etdi.
