Blinken İsrail hakimiyyətini Qəzzada humanitar vəziyyəti yaxşılaşdırmağa çağırıb
ABŞ dövlət katibi Antoni Blinken İsrailin strateji işlər naziri Ron Dermer ilə Qəzzada humanitar vəziyyəti, eləcə də regionda gərginliyin azaldılması üçün lazımi addımları müzakirə edib.
Bu barədə ABŞ Dövlət Departamenti bildirib.
“O (Blinken) Qəzzadakı ağır humanitar vəziyyəti müzakirə edib, vəziyyəti yaxşılaşdırmaq üçün atılan addımları nəzərdən keçirib və mülki şəxslərə yardımı artırmaq üçün əlavə tədbirlər görməyə çağırıb”, – deyə qeyd olunub.
