BMT: İsrail Qəzzada soyqırım və cinsi zorakılıq aktları törədib
BMT ekspertlərinin yeni hesabatında deyilir ki, İsrail Qəzzadakı münaqişə zamanı qadınların səhiyyə müəssisələrini sistematik şəkildə məhv edərək və cinsi zorakılığı müharibə strategiyası kimi istifadə edərək fələstinlilərə qarşı “soyqırım aktları” həyata keçirib.
Birləşmiş Millətlər Təşkilatının (BMT) ekspertlərinin cümə axşamı günü dərc etdiyi yeni hesabata əsasən, sionist rejim Qəzzada münaqişə zamanı qadınların səhiyyə müəssisələrini sistematik şəkildə məhv edərək fələstinlilərə qarşı “soyqırım aktları” törədib və cinsi zorakılıqdan müharibə strategiyası kimi istifadə edib.
“İsrail hakimiyyəti Qəzzada fələstinlilərin reproduktiv qabiliyyətini, o cümlədən Roma Statusu və Soyqırım Konvensiyasına uyğun olaraq soyqırım aktlarının kateqoriyalarından biri olan doğumların qarşısının alınmasına yönəlmiş tədbirlər vasitəsilə qismən məhv edib”, – BMT-nin İşğal olunmuş Fələstin Ərazisi və Şərqi Qüds üzrə Beynəlxalq Araşdırma Komissiyası bildirib.
Komissiya tibbi ləvazimatlara çıxışın məhdudlaşdırılması səbəbindən doğuş ölümünün artmasının bu əməllərlə yanaşı, insanlığa qarşı cinayət olduğunu bildirib.
Hesabatda vurğulanıb ki, işğalçı İsrail qüvvələri oktyabrın 7-dən sonra fələstinliləri cəzalandırmaq üçün standart əməliyyat prosedurlarının bir hissəsi kimi ictimai soyunma və cinsi təcavüzdən istifadə edib.
İsrailin BMT-nin Cenevrədəki Daimi Nümayəndəliyi hesabatda yer alan iddiaların əsassız, qərəzli və etibarsız olduğunu iddia edərək, “İsrail ordusunun bu cür sui-istifadələri qəti surətdə qadağan edən konkret göstərişləri və siyasətləri var” deyilərək, istintaq proseslərinin beynəlxalq standartlara uyğun olduğu müdafiə olunub.
