BMT-nin İnsan Haqları Şurası İsrailə silah ixracına dair qətnaməni təsdiqləyib

Qəzza müharibəsi ilə bağlı ilk rəsmi mövqeyində BMT-nin İnsan Haqları Şurası İsrailə silah ixracını qadağan edən qətnaməni təsdiqləyib.

BMT-nin İnsan Haqları Şurası sionist rejimə silah ixracını qadağan edən qətnaməni 28 lehinə, 6 əleyhinə səslə təsdiqləyib.

AFP-nin məlumatına görə, 13 ölkə də bu qətnamədən bitərəf qalıb.

Pakistanın Albaniya istisna olmaqla bütün İslam Əməkdaşlıq Təşkilatına (İƏT) üzv dövlətlər adından təqdim etdiyi cümə günü qətnamə layihəsində “dərhal atəşkəs və təcili humanitar yardım” tələb olunur.

Argentina, Bolqarıstan, Almaniya, Malavi, Paraqvay və ABŞ bu qətnamənin əleyhinə səs verib. Albaniya, Benin, Kamerun, Kosta-Rika, Dominikan Respublikası, Fransa, Hindistan, Gürcüstan, Hindistan, Yaponiya, Litva, Monteneqro, Hollandiya və Rumıniya bitərəf qalıb.

Bu qətnamə layihəsinin İnsan Haqları Şurasında təqdimatına istinad edən AFP daha əvvəl bildirmişdi ki, bu qətnamə təsdiq olunarsa, Birləşmiş Millətlər Təşkilatına bağlı bu yüksək insan haqları qurumu ilk dəfə Qəzza müharibəsinə qarşı mövqe nümayiş etdirəcək. .

Məlumatlara görə, bu qətnamənin səkkiz səhifəlik layihəsində sionist rejimdən işğal olunmuş torpaqlardakı işğala son qoyması və Qəzza zolağının “qanunsuz mühasirəsini” tez bir zamanda aradan qaldırması tələb olunub.