BMT nümayəndəsi Əmir Abdullahiyanla görüşdən sonra: Bizim vaxtımız azdır; biz dərhal hərəkətə keçməliyik

Birləşmiş Millətlər Təşkilatının nümayəndəsi ölkəmizin diplomatik orqanının rəhbəri ilə görüşdən sonra deyib: Regiondakı hadisələrin mənfi nəticələri vəziyyətin nəzarətdən çıxmasına səbəb olub. Vaxtımız azdır və dərhal hərəkətə keçməliyik.

İRNA-nın müxbirinin verdiyi məlumata görə, BMT-nin Yaxın Şərqdə sülh əməliyyatları üzrə xüsusi nümayəndəsi Tor Vinslend İranın Beyrutdakı səfirliyində Hüseyn Əmir Abdullahiyan ilə görüşdükdən sonra Fələstin məsələsi ilə bağlı jurnalistlərə açıqlamasında deyib: Əmir Abdullahiyanla bu barədə söhbətimiz oldu.

O, əlavə etdi: Hadisələrin mənfi nəticələri regionda vəziyyətin nəzarətdən çıxmasına səbəb olub. Vaxtımız azdır və dərhal hərəkətə keçməliyik. Birləşmiş Millətlər Təşkilatının etmək istədiyi budur. Əmir Abdullahiyanla çox yaxşı söhbətlərimiz oldu.

Qeyd edək ki, Birləşmiş Millətlər Təşkilatının xüsusi nümayəndəsi Tor Vinslend bu gün, şənbə, oktyabrın 14-də günorta saatlarında İran İslam Respublikasının Beyrutdakı səfirliyində olub və ölkəmizin Xarici İşlər naziri Hüseyn Əmir Abdullahiyanla Fələstindəki son vəziyyətlə əlaqədar məsləhətləşib.