BMT Qəzzada hərbi cinayətlərin törədilməsindən narahatdır
![BMT Qəzzada hərbi cinayətlərin törədilməsindən narahatdır](https://sizinyol.org/wp-content/uploads/2023/10/653ba2762fcaf653ba2762fcb01698407030653ba2762fcad653ba2762fcae-1.jpg)
BMT İsrail və HAMAS arasında münaqişədə hərbi cinayətlərin törədilməsindən narahatdır.
Bu barədə BMT-nin İnsan Haqları Ofisinin sözçüsü Ravina Şamdasani Cenevrədə mətbuat konfransında bildirib.
“Biz hərbi cinayətlərin törədilməsindən narahatıq. Biz HAMAS-ın hərbi cinayətlərə bərabər qəddar hücumlarına cavab olaraq qəzzalıların kollektiv şəkildə cəzalandırılmasından narahatıq”, – o deyib.
Xatırladaq ki, BMT-nin İnsan Haqları Ofisi daha əvvəl bildirib ki, təşkilat oktyabrın 7-dən etibarən mümkün müharibə cinayətləri, həmçinin HAMAS-ın İsrailin cənubuna hücumu, qruplaşmanın əksəriyyəti mülki şəxslər olmaqla 1400-ə yaxın adamı öldürməsi və ən azı 233 nəfəri qaçırması, eləcə də İsrailin HAMAS-ı məhv etmək üçün başlatdığı hava hücumu kampaniyasında Qəzzadakı mülki əhalinin ciddi zərər görməsi ilə bağlı araşdırma başladacaq.