BMT: “Qəzzada məcburi köçkünlər üçün sığınacaqlar çatışmır”
BMT-nin humanitar qrupunun rəhbəri Cemma Konnell Qəzza zolağında məcburi köçkünlər üçün ciddi sığınacaq çatışmazlığının olduğunu deyib.
“Report” xəbər verir ki, bu barədə “The National” agentliyi məlumat yayıb.
Bir neçə həftədir Qəzza zolağında olan C.Konnell bilidirib ki, anklavda vəziyyət “insan şahmat taxtası”na bənzəyir, onlar evlərini tərk edib və təhlükəsiz sığınacaq tapa bilmirlər. Qəzza zolağının cənubundakı Rəfah şəhərində nəqliyyat sıxlığı səbəbindən çoxlu köçkünlər sığınacaqsız qalıb.
