Böyük Britaniyanın keçmiş səfiri: ABŞ-ın Qasim Süleymaninin öldürülməsinə haqq qazandırmaq üçün hekayə uydurması sistemli bir aldatmadır

Böyük Britaniyanın Suriyadakı keçmiş səfiri Peter Ford Vaşinqtonun Qasim Süleymaninin öldürülməsi bəhanəsini dəstəkləyən heç bir dəlil olmadığını deyib. O, əlavə edib ki, ABŞ-ın cinayətlə bağlı etibarlı olmayan ictimai hesabatları sistematik bir aldatmacadır.

Britaniyanın Suriyadakı keçmiş səfiri Peter Ford Rusiyanın Sputnik xəbər agentliyinə deyib ki, ABŞ-ın İnqilab Keşikçiləri Korpusu Qüds Qüvvələrinin komandiri General Qasım Süleymaninin öldürülməsi ilə bağlı hazrladığı diskreditasiya olunmuş ictimai hesabatlar sistematik bir aldatmadan ibarətdir.

Aldatma ABŞ-ın öz düşmənlərini öldürdüyü və ya ələ keçirdiyi zaman istifadə etdiyi standart əməliyyat prosedurudur (SOP).

Keçmiş avropalı diplomat ABŞ-ın 2020-ci il yanvarın 3-də Qasim Süleymaninin şəhadətinə səbəb olan Bağdaddakı terror aktı ilə bağlı deyib ki, Vaşinqtonun İran komandirinin ABŞ-a qarşı qaçılmaz əməliyyat planlaşdırdığına dair iddialarını dəstəkləyəcək heç bir dəlil yoxdur.

Bundan əvvəl Avropa Parlamentinin İrlandiya nümayəndəsi Mik Uolles Qasim Süleymaninin şəhadətinin ikinci ildönümü ərəfəsində İraqda İŞİD-i məğlub etmək üçün heç kimin bu şəhid qədər xidmət etmədiyini vurğulamışdı.

O, Twitter-dəki mesajında yazıb: “ABŞ və müttəfiqləri İŞİD-in yaranması və cihadçı (ekstremist) qrupların silahlanmasına görə məsuliyyət daşıdığı halda, İraqda İŞİD-i məğlub etmək üçün heç kim General Süleymani qədər səy göstərməyib.”