“Böyük yeddilik” böhranlara bu qədər vəsait ayıracaq

“Böyük yeddilik” ölkələrinin liderləri 2023-cü ildə dünyada yaranmış humanitar və ərzaq böhranlarının həlli üçün işləmək barədə razılığa gəliblər.

Publika.az xəbər verir ki, bu məqsədlər üçün onlar 21 milyard dollardan çox vəsait ayırmaq niyyətindədirlər. “Biz qadınlara, uşaqlara və həssas vəziyyətdə olan digər insanlara yönəlmiş görünməmiş sayda humanitar böhranların həlli istiqamətində işləmək niyyətindəyik”, – deyə sənəddə bildirilir.

G7 sammiti dünən, mayın 19-da Xirosimada başlayıb və mayın 21-dək davam edəcək. Sammitdə Ukrayna prezidenti Vladimir Zelenski də iştirak edir.

Publika.az