Britaniya parlamenti qarşısında müharibə əleyhinə kütləvi nümayişlər keçirilib
Çərşənbə günü Britaniya parlamentinin qarşısına toplaşan minlərlə Britaniya vətəndaşı sionist rejimin Qəzzəyə qarşı müharibəsinin dərhal dayandırılmasını tələb edib.
Bu anti-sionist nümayiş İngiltərə hökumətinin dünən HƏMAS hərəkatına qarşı sanksiyalar tətbiq etdiyi vaxtda keçirilir.
Britaniya hökuməti sanksiyaya məruz qalan məmurlar arasında HƏMAS-ın Qəzzadakı siyasi ofisinin rəhbəri Yəhya Əs-Sənvarın da olduğunu açıqlayıb.
Sionist rejimin Qəzza zolağına qarşı hərtərəfli hücumları başlayandan bəri Britaniya və Amerika hökumətləri bu rejimə hərtərəfli dəstəklərini bəyan ediblər.
Eyni zamanda, hər iki ölkədə anti-sionist əhval-ruhiyyə güclü şəkildə artır.
Şənbə günü (11 noyabr) Böyük Britaniyada İsrailin Qəzzada fələstinlilərə hücumlarına etiraz etmək üçün dinc şəkildə genişmiqyaslı nümayişlər keçirildi. Bundan sonra Euronews-un məlumatına görə, Britaniya Daxili İşlər Naziri Suella Braverman bu mitinqlərdə iştirak edənləri İsrailin məhv olmasını istədiklərini iddia edib. O, Fələstin tərəfdarlarının nümayişlərini “nifrət yürüşləri” və bu yürüşlərin dinc və qeyri-zorakı xarakter daşımasına baxmayaraq, iştirakçıları “quldur” adlandırıb.
Bu açıqlamalar İngiltərənin Baş naziri Rişi Sonakın Suella Bravermanı daxili işlər naziri vəzifəsindən azad etməsinə səbəb olub.
Britaniya mediası şənbə günü xəbər verib ki, Britaniya paytaxtında 100 mindən çox insan fələstinlilərə dəstək yürüşü keçirib və atəşkəs və fələstinli qadın və uşaqların öldürülməsinin dayandırılmasını tələb edib.
