Bu, təcilidir, Avropa “ölə” bilər – Borrell
![Bu, təcilidir, Avropa “ölə” bilər – Borrell](https://sizinyol.org/wp-content/uploads/2024/05/58b5287d28a1811f7baa5d55a1de6fe9.jpg)
Soyuq müharibədən sonrakı beynəlxalq sistem artıq mövcudluğunu dayandırıb və ABŞ hegemon statusunu itirib.
Musavat.com axar.az-a istinadən xəbər verir ki, bunu Avropa Birliyi diplomatiyasının rəhbəri Jozep Borrell bildirib.
“Soyuq müharibədən sonra yaşadığımız beynəlxalq sistem mövcud olmağı dayandırdı, Amerika hegemon statusunu itirdi və 1945-ci ildən sonrakı dünya nizamı çökür”, – Borrell vurğulayıb.
O bildirib ki, bütün bunların fonunda AB və Böyük Britaniyanın rolu müəyyən edilməlidir:
“Amma bu, artan təhlükələrə necə cavab verməyimizdən asılı olacaq. Avropanın “ölə” biləcəyi ilə bağlı xəbərdarlıqları eşitdiyimiz üçün bu, təcili əhəmiyyət kəsb edir”.