Çavuşoğlu Blinkenlə Qafqazda baş verənləri müzakirə etdi
Türkiyənin xarici işlər naziri Mövlud Çavuşoğlu ilə ABŞ dövlət katibi Antoni Blinken arasında baş tutan telefon danışığında Qafqazda baş verən proseslər müzakirə olunub.
Publika.az xəbər verir ki, bu barədə Türkiyə mediası məlumat yayıb. Bildirilib ki, danışıqlarda yaxın günlərdə keçiriləcək NATO və ATƏT toplantılarından əvvəl Rusiya-Ukrayna gərginliyi, Türkiyə-ABŞ ikitərəfli münasibətləri, xüsusilə strateji mexanizmin aktivləşdirilməsi diqqət mərkəzində olub. Ölkə rəsmiləri habelə Sudan, Efiopiya və Qafqazda baş verən proseslər müzakirə ediblər.
