Çelikdən SƏRT AÇIQLAMA: “Makronun anlayışına görə, azərbaycanlı qardaşlarımızı…” – VİDEO

Türkiyənin hakim “Ədalət və İnkişaf Partiyasının” (AKP) sözçüsü Ömer Çelik Prezident Rəcəb Tayyib Ərdoğanın sədrliyi ilə Partiyanın Mərkəzi Qərargahında keçirilən toplantıdan sonra mətbuat nümayəndələri qarşısında çıxış edib.

Publika.az-ın məlumat verir ki, o, Fransa Prezidenti Emmanuel Makronun Türkiyəyə münasibətini kəskin şəkildə tənqid edib. Partiya sözcüsü çıxışında Makronun Türkiyə-Azərbaycan münasibətlərindən duyduğu narahatlığı və onun bu narahatlıqdan doğan yanlış yanaşmasını da dilə gətirib.

“Makronun sivilizasiya anlayışına görə, Azərbaycandakı qardaşlarımızı dəstəkləməməliyik, Kiprdəki hüquq və mənafelərimizdən əl çəkməliyik. Bunu etməyəcəyik”, – deyə Çelik bəyan edib.

Siyasətçi bildirib ki, ümumiyətlə Makronun xarici siyasəti Türkiyə və Ərdoğan düşmənçiliyi üzərində qurulub.

Publika.az