Centcom Amerika gəmisinə raket hücumu nəticəsində insan tələfatı və ciddi dağıntılar barədə məlumat verib
Amerika Birləşmiş Ştatlarının Mərkəzi Komandanlığı Centcom Yəmən qüvvələrinin “True Confidence ” gəmisinə hücumu nəticəsində 3 nəfərin öldüyünü və ən azı 4 nəfərin yaralandığını və bu gəmiyə ciddi ziyan dəydiyini açıqlayıb.
Bu hesabata görə, Amerikanın Qərbi Asiya Bölgəsindəki Mərkəzi Komandanlığı (CENTCOM) cümə axşamı səhər Ədən körfəzində “True Confidence ” gəmisinin hədəf alındığını təsdiqləyib və qeyd edib ki, bu hücum zamanı 3 nəfər həlak olub, 4 nəfər isə yaralanıb və gəmi ciddi zədələnib.
Yəmən silahlı qüvvələrinin sözçüsü Yəhya Səri dünən axşam (çərşənbə günü) Yəmən ordusunun Ədən körfəzində Amerikanın “True Confidence” gəmisinə qarşı yeni əməliyyatı və onu hədəfə alması ilə bağlı bəyanat yayıb.
Yəmən silahlı qüvvələrinin sözçüsü dünən gecə bildirib ki, bu hücum bu gəminin heyətinin Yəmən ordusunun xəbərdarlıqlarına məhəl qoymamasından sonra həyata keçirilib.
Yəmən silahlı qüvvələri dini, əxlaqi və humanitar vəzifələrini yerinə yetirərək, məzlum Fələstin xalqına dəstək verməyə və bu qüvvələrin Qırmızı dəniz və Ərbəd dənizində İsrail gəmilərinə qarşı əməliyyatlarına davam edəcəklərini açıqlayıb.
Daha əvvəl AFP bir Amerika rəsmisinə istinadən xəbər vermişdi ki, Ədən körfəzində hədəfə alınan gəminin ekipajı bu raket hücumu nəticəsində iki nəfərin öldüyünü bildirib.
Bundan əvvəl CNN iki amerikalı rəsmiyə istinadla bildirmişdi ki, Barbados bayrağı olan gəmiyə hücum nəticəsində iki nəfər ölüb ki, bu, Yəmən ordusunun hücumlarının başlamasından bəri ilk itkidir.
