Cibaliyə qaçqın düşərgəsində qətliam

İsrailin Qəzzaya etdiyi son hava hücumlarında Cəbəliyyə qaçqın düşərgəsində onlarla fələstinli həyatını itirərkən, Xan Yunisdə də itkilər olduğu bildirilir.

İsrailin baş naziri Binyamin Netanyahunun ordunun müharibədən əziyyət çəkən Qəzzaya “tam güclə” girəcəyini elan etməsindən sonra İsrailin hücumları nəticəsində ən azı 60 fələstinli həyatını itirib.

Tibbi mənbələr çərşənbə günü səhərdən etibarən Qəzzanın şimalındakı Cəbəliyə qaçqın düşərgəsində ən azı 56 nəfərin öldürüldüyünü bildirib. Şiddətli hava hücumları nəticəsində 100-dən çox adam yaralanıb və evlər hədəfə alınıb, onların sakinlərinin üzərinə çökməsinə səbəb olub.

Daha 4 nəfər ölkənin cənubundakı Xan Yunis şəhərində baş verən hücumda həlak olub. Mülki Müdafiə sözçüsü Mahmud Basal bu məlumatı təsdiqləyib.

Netanyahu çərşənbə axşamı yaydığı bəyanatda, “Əməliyyatı başa çatdırmaq üçün yaxın günlərdə tam gücümüzlə irəliləyəcəyik. Müharibəsi dayandıracağımız vəziyyət olmayacaq. Müvəqqəti atəşkəs ola bilər, amma bütün yolu gedəcəyik” dedi.

Makron qeyri-adi dərəcədə sərt dildən istifadə edərək Netanyahunun Qəzzaya yardımı əngəlləməsini “utancverici” adlandırıb.