Çikaqoda qan donduran vəhşilik

ABŞ-ın Çikaqo şəhərinin “South Shore” bölgəsində naməlum şəxslər tərəfindən dinc insanlara qarşı silahlı hücum təşkil edilib.

Publika.az bunu xarici mətbuata istinadən xəbər verir.

Nəqliyyat vasitəsi ilə ətrafda dolaşan və küçədən keçənlərə atəş açan təcavüzkarlar 5 aylıq körpəni vurublar. İlkin tibbi yardım göstərilməsinə baxmayaraq Sesilia Tomas adlı 5 aylıq körpənin hücumda həyatını itirdiyi açıqlanıb.

Çikaqo polisi başqa bir avtomobildə olan 41 yaşlı kişinin də gözündən güllə yarası aldığını və xəstəxanaya aparıldığını bildirib.

Hadisə ilə bağlı araşdırmalar davam edir.

Publika.az