Çin çıxarma mərasimi zamanı mənzilini yandırdı
Udmurtiyada 67 yaşlı təqaüdçü qadın şər ruhları qovmaq üçün ritual etmək qərarına gəlib və bu zaman mənzilini yandırıb.
Bu barədə Rusiya Fövqəladə Hallar Nazirliyi məlumat yayıb.
Hadisə rayonun Karakulino kəndində baş verib. Yaşlı qadın mənzildə “cadugərləri qovmaq” üçün mərasim keçirməyi qərara alıb və şam yandırıb, sonra isə onu paltaryuyan maşının üzərinə qoyub. Özü isə digər otağa keçib.
Yanan şam evdə yanğına səbəb olub. Alovu görən yaşlı qadın qorxaraq küçəyə qaçıb. Qonşular hadisə yerinə yanğınsöndürənləri çağırıb.
Hadisə yerinə gələn Fövqəladə Hallar Nazirliyinin əməkdaşları iki kvadratmetr sahədə alovu söndürüblər.
