Çin: Qəzza Fələstin ərazilərinin ayrılmaz hissəsidir
Qəzzanın Fələstin ərazilərinin ayrılmaz hissəsi olduğunu vurğulayan Çinin xarici işlər naziri, zolağın statusunun güc yolu ilə dəyişdirilməsi cəhdinin sülh gətirməyəcəyi və hətta gərginliyi daha da artıracağı barədə xəbərdarlıq edib.
Sizinyolun xarici KİV-lərə istinadən verdiyi məlumata əsasən, Çinin xarici işlər naziri Vanq Yi Pekin və Moskvanın münaqişədən qaçmağa və üçüncü tərəfləri hədəf almamağa əsaslanan birgəyaşayış modeli yaratmağa müvəffəq olduqlarını açıqlayıb.
Ukrayna böhranının danışıqlar yolu ilə sülh yolu ilə həllinin vacibliyini vurğulayan Çin, qlobal gərginlik qarşısında Pekinin həmişə diplomatik həll yoluna sadiq qaldığını bildirib.
Qəzzanın Fələstin ərazilərinin ayrılmaz hissəsi olduğunu vurğulayan Çinin xarici işlər naziri beynəlxalq ictimaiyyəti neytral və nəticəsiz reaksiyalar əvəzinə, iki dövlətli həllin reallaşmasına daha çox diqqət yetirməyə və Fələstin probleminin əsaslı həlli istiqamətində addımlar atmağa çağırıb.
Vanq Yi beynəlxalq ictimaiyyətin Fələstin və İsrail tərəflərinin ümumi razılığa gəlməsinə dəstək verməli olduğunu vurğulayaraq, region ölkələrinin öz gələcək və müqəddəratlarını müstəqil şəkildə müəyyən etməli olduqlarını da qeyd edib.
