Çin XİN: Vaşinqton Pekinə qarşı cilovlama siyasətinə son qoymalıdır

Birləşmiş Ştatlar Çinə qarşı saxlama və təzyiq siyasətinə son qoymalıdır. Bunu Çinin xarici işlər naziri Van Yi ABŞ dövlət katibi Entoni Blinkenlə telefon danışığı zamanı deyib.

Publika.az “russian.rt”-yə istinadla xəbər verir ki, Vanq Yi deyib: “Amerika tərəfi Çini cilovlamaq və yatırtmaq səylərini dayandırmalı və iki ölkə arasında münasibətlərdə yeni maneələr yaratmamalıdır”

O qeyd edib ki, Çin-ABŞ münasibətlərinin sabit inkişafın əsas axınına qaytarılması təkcə Çin və ABŞ-ın maraqlarına deyil, həm də beynəlxalq ictimaiyyətin ümumi gözləntilərinə uyğundur.

Publika.az