Çinin hipersəs raketləri Amerika gəmilərinin və müdafiə sistemlərinin qatilləridir
Pentaqonun sızdırılmış sənədləri Çinin raketlərinin ABŞ dəniz donanması və raketdən müdafiə sistemi üzərində üstünlüyünü göstərir.
Çinin hipersəs raketləri Amerika gəmilərinin və müdafiə sistemlərinin qatilləridir
Pentaqonun (ABŞ Müdafiə Nazirliyi) sızdırılmış sənədləri Çinin ABŞ dəniz donanması və müdafiə sistemləri üzərində raket üstünlüyünü göstərir.
Xəbər mənbələrinə görə, Fox News-un müxbiri çərşənbə axşamı tvitində yazıb ki, ABŞ rəsmiləri gizli şəkildə etiraf edirlər ki, ABŞ-ın Çinə qarşı təyyarədaşıyan gəmiləri müharibə vəziyyətini ABŞ-ın xeyrinə dəyişməyəcək, çünki Çinin dəniz donanması orta hərbi texnika ilə təchiz olunub. Təyyarədaşıyıcı qatili ləqəbli “Dongfeng-26” raketi də daxil olmaqla, 3000 mil mənzilli raketlər bu donanmaya meydan oxuyur.
“Washington Post” qəzetinin müxbiri də bu kontekstdə bildirib ki, Pentaqonun sızdırdığı sənədlər Çinin hipersəs raketlərinin Amerika ordusunun gəmilərini və müdafiə sistemlərini məğlub etdiyini ortaya çıxarıb.
“Washington Post”un müxbiri Coş Raqin bununla bağlı deyib: “Biz 30 il ərzində təyyarədaşıyıcıları və raket əleyhinə müdafiə istehsalına sərf etdik, lakin çinlilər bizim avadanlıqlarımızı sıradan çıxaran xeyli ucuz qiymətə raket yaradıblar. Bu raketlər ultrasəslidir və manevrləri ilə “Quam”a qədər olan təyyarədaşıyıcılarımızı hədəfə ala bilir. Əgər onlar öz raketlərindən istifadə etmək qərarına gəlsələr, bizim aviadaşıyıcılarımız Sakit Okeanın yarısına daxil ola bilməyəcəklər”.
ABŞ Hərbi Hava Qüvvələri Universitetinə bağlı “Çin Aerokosmik Araşdırmalar İnstitutu”nun son hesabatında Çinin raket qüvvələrinin həm raketlərinin mürəkkəbliyi, həm də arsenalının böyüklüyü baxımından genişləndiyi bildirilir. Çinin raket qüvvələrinin briqadalarının sayının getdikcə artmasına əsaslanan raketlərin və buraxılış qurğularının artımı əhəmiyyətlidir.
Bu hesabata görə, bu raketlərə qitələrarası ballistik raketlər, o cümlədən Dongfeng-31, həmçinin Dongfeng-21 gəmi əleyhinə ballistik raket daxildir. Çinin adi raket gücünün 2200-dən çox ballistik və qanadlı raket olduğu təxmin edilir ki, bu da dünyanın ən böyük raket qüvvəsidir.
Çin ölkənin əsas strateji hərbi hədəfi olan Tayvan ərazisinə 1000-dən çox raket yerləşdirib.
ABŞ-ın nüvə və kütləvi qırğın silahları üzrə zabiti mayor Kristofer Mihal bildirib ki, rəqəmlərlə yanaşı, bəzi Çin raketlərinin dəqiqliyi 800% artıb.
Mayor Mihal bildirib ki, Çinin raketləri bu gün Çinin ən qiymətli hərbi sərvətidir, çünki onlar Çinə geniş çeşidli düşmənlərə qarşı hücum və müdafiə imkanları verir.
