Çinli alimlər Marsda okean sahili kəşf etdi

Çin alimləri Marsın şimal düzənliyində qədim okeanın sahilini tapdıqları qənaətinə gəliblər.

Bu barədə “RİA Novosti” məlumat yayıb.

Qeyd olunur ki, Çin tədqiqatçıları belə nəticəyə “Zhurong” adlı Çin marsroverinin göndərdiyi məlumatları təhlil edərək gəliblər.

Alimlər hesab edirlər ki, Utopiya düzənliyinin cənubundakı sualtı reflektorlar qədim okean dalğalarının əmələ gətirdiyi və ehtimal ki, gelgit axınlarının daşıdığı qum və çınqıldan ibarət olan sahil çöküntülərindən başqa bir şey deyil.

Alimlər əlavə edirlər ki, araşdırmalara görə, aşkar edilən geniş çöküntülər Yer kürəsində sahil çöküntülərinə bənzər struktura malikdir ki, bu da qədim zamanlarda bu yerdə böyük su hövzəsinin – okeanın mövcudluğunu deməyə əsas verir.