Colani Qahirədə Aun və Əl-Sisi ilə görüşdü
Suriya müvəqqəti hökumətinin başçısı Qahirədə Livan və Misir prezidentləri ilə görüşüb.
Sizinyolun xarici medialara istinadən verdiyi məlumata əsasən, Ərəb Liqasının Qahirədə keçirilən sammiti çərçivəsində Livan prezidenti Cozef Aun və Suriya müvəqqəti hökumətinin başçısı Əl-Colani kimi tanınan Əhməd Əl-Şaraa müzakirələr aparıblar.
Görüşdə hər iki ölkədən nümayəndə heyətlərinin üzvləri iştirak edib, tərəflər Suriya-Livan münasibətləri və onların gələcəyi ilə bağlı fikir mübadiləsi aparıb.
Tərəflər həmçinin Suriyada yeni hökumət qurulduqdan sonra birgə komitələr vasitəsilə əməkdaşlıq etmək barədə razılığa gəliblər.
Əl-Şaraa və Aun həmçinin təcavüzün qarşısını almaq üçün Livan və Suriya sərhədlərinə nəzarətin vacibliyini vurğulayıblar.
Bu görüş çərçivəsində Əl-Şaraa Misir prezidenti Əbdülfəttah əs-Sisi ilə də görüşüb.
Bu görüşdə əs-Sisi Suriya xalqına dəstəyi vurğulayıb.
