Colani Səudiyyə Ərəbistanına gedir

Colani Səudiyyə Ərəbistanına gedir

Bir xəbər saytında Suriyanın yeni müvəqqəti prezidenti seçilən Əbu Məhəmməd əl-Colani ləqəbli Əhməd əl-Şaraa gələn həftə Səudiyyə Ərəbistanına səfər edəcək.

Sizinyolun xarici KİV-lərə istinadən verdiyi məlumata əsasən, bu səfərin təfərrüatları və onun Səudiyyə Ərəbistanının vəliəhd şahzadəsi Məhəmməd bin Salmanla görüşünün mümkünlüyü barədə heç bir məlumat verilməyib.

Bundan əvvəl Əl-Şaraa verdiyi müsahibədə ilk xarici səfərini Səudiyyə Ərəbistanına və ya Türkiyəyə edəcəyini bildirsə də, dəqiq vaxtı açıqlamamışdı.

Colani Səudiyyə Ərəbistanına səfəri xəbəri Səudiyyə Ərəbistanının xarici işlər naziri Feysəl bin Fərhanın Dəməşqə səfərindən bir həftə sonraya təsadüf edir.

Bin Fərhanın Dəməşqə səfəri onun Suriyanın keçmiş prezidenti Bəşar Əsədin hakimiyyəti dövründən sonra ilk səfəridir.

Bundan əvvəl, yanvarın əvvəlində Suriya keçid hökumətinin xarici işlər naziri Əsəd Əl-Şaibani Ər-Riyada gedib bin Fərhanla görüşüb.

Həmçinin son həftələrdə Səudiyyə Ərəbistanı Suriyanın gələcəyi ilə bağlı toplantıya ev sahibliyi edib.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

3 × four =