Balakən Rayon Polis Şöbəsinin əməkdaşlarının keçirdikləri profilaktik tədbir zamanı aktiv koronavirus xəstəsinin yaşadığı ünvanı tərk etdiyi müəyyən olunub.

DİN-in Mətbuat Xidmətinin Şəki regional qrupundan Lent.az-a verilən məlumata görə, rayon sakini Araz Əhmədov COVID-19 virusuna yoluxduğu üçün ev şəraitində müalicəyə cəlb olunmasına baxmayaraq, o, qaydaları pozaraq yaşadığı ünvanı tərk edib və polis əməkdaşları tərəfindən işlədiyi yerdə aşkarlanıb.  

Həmin şəxslə izahedici söhbətlər aparılıb və  tibbi prosedurlar da gözlənilməklə evinə geri qaytarılıb.
A.Əhmədov barəsində Rayon Polis Şöbəsində araşdırma aparılır.

Lent.az