Davamlı sionist hücumları Tulkərəm düşərgəsinin sakinlərini didərgin salıb

İordan çayının qərb sahilindəki Tulkərm düşərgəsinin sakinləri İsrailin davam edən hücumları səbəbindən evlərini tərk etmək məcburiyyətində qalıblar.

Sizinyolun xarici KİV-lərə istinadən verdiyi məlumata görə, bu düşərgənin sakinlərinin getməsi səhnələri 1948-ci ildə Fələstin xalqının köçkünlüyünü xatırladır. İsrail qüvvələri düşərgə sakinlərinə ərazini tərk etmək üçün cəmi iki saat vaxt verib, nəticədə insanlar yalnız zəruri əşyalarını özləri ilə apara biliblər.

Məlumata əsasən, son günlər sionistlərin davamlı hücumları səbəbindən 24 min fələstinli Nur Şəms və Tulkərəm düşərgələrindən didərgin düşüb və Nablusdakı Əl-Əyn düşərgəsinə edilən son hücumları nəzərə alaraq bu rəqəm hələ də artmaqdadır.