Dünya çempionatının son turunun 8 oyunu “CBC Sport”da yayımlanacaq
“Qətərdə keçirilən Futbol üzrə dünya çempionatında qruplarda təşkil olunan son turun oyunları günün eyni vaxtında başlayır”.
BAKU.WS xəbər verir ki, bu barədə İctimai Televiziya və Radio Yayımları Şirkətindən bildirilib.
Qeyd olunub ki, ölkə ərazisində bu çempionatın eksklüziv yayım hüququna sahib olan İctimai Televiziya və Radio Yayımları Şirkəti tamaşaçıların bütün oyunları izləməsinə şərait yaratmaq üçün CBC Sport telekanalı ilə razılaşma əldə edib:
“Razılaşmaya əsasən, yayım hüququnun sublisenziya əsasında verilməsilə qrup mərhələsinin son turunun səkkiz oyunu CBC Sport telekanalında yayımlanacaq”.
BAKU.WS
