Ehud Barak: Biz Hizbullaha qarşı kütləvi müharibəyə başlaya bilmərik

Sionist rejimin keçmiş baş naziri Ehud Barak son çıxışı zamanı etiraf edib ki, bu rejim Hizbullaha qarşı böyük və mürəkkəb müharibəyə başlamağa qadir deyil.Sionist rejimin keçmiş baş naziri Ehud Barak son çıxışı zamanı etiraf edib ki, bu rejim Hizbullaha qarşı böyük və mürəkkəb müharibəyə başlamağa qadir deyil. Çünki bu gün İsrail rejiminin ordusuna rəhbərlik edən komandirlər, bu rejimə tarixin ən biabırçı məğlubiyyətini yaşadıblar.

Ehud Barak sionist rejimin 12-ci kanalı ilə söhbətində deyib: “Biz HƏMAS-ın Qəzzədəki bütün imkanlarını məhv edə bilməmişik və gələcəkdə də bunu edə bilməyəcəyik. Biz 57 il öncədən bu günə qədər Cenində də buna nail olmamışıq”.

Sionist rejimin keçmiş baş naziri əlavə edib: “Prioritet odur ki, əsirlərin mübadiləsi ilə bağlı razılaşma əldə edilsin. Hətta bu razılaşma  Fələstinin cənubunda müharibənin dayandırılması bahasına olsa belə.”