Ehud Barak Netanyahunu Hitlerə bənzətdi, ara qarışdı
Publika.az xəbər verir ki, “The Times of Israel”in xəbərinə görə, Barak israilli akademik və məsləhətçi İchak Adizesin videosunu izləyiciləri ilə paylaşıb. Videoda Adizes Netanyahunun müdafiə naziri Yoav Qallantı istefaya göndərmək qərarını Slobodan Miloşeviç, Donald Tramp və Adolf Hitler kimi “hakimiyyətdə qalmaq üçün ölkəni çöküşə sürükləmək”də ittiham edib.
Videonun paylaşılmasına reaksiya verən Netanyahunun partiyası “Likud”, Barakı “ölkənin baş nazirinin qətlinə təhrik etməkdə və onu Hitlerlə müqayisə etməkdə” günahlandırıb. “Likud” Barakın ifadəsinin alınmalı olduğunu qeyd edərək, polis və ədliyyə orqanlarını bu məsələ ilə bağlı tədbir görməyə çağırıb.
Netanyahuya mübahisəli məhkəmə tənzimləməsindən əl çəkməsini tələb edən məktublar göndərənlər arasında olan Barak, məhkəmə islahatı etirazlarına verdiyi dəstəyi ilə də tanınır.
İsrailin müdafiə naziri Yoav Qallant hökuməti ölkədə siyasi böhrana və kütləvi etirazlara səbəb olan mübahisəli məhkəmə qaydalarını dayandırmağa çağırmışdı. “Ölkə daxilində parçalanma İsrail ordusuna və müdafiə təşkilatına dərindən nüfuz edib. Bu, İsrailin təhlükəsizliyinə açıq və böyük təhdiddir. Mən buna icazə verməyəcəyəm”, – deyə müdafiə naziri bildirib.
Publika.az
