Ekstremist Ben Guer sionist rejimin daxili təhlükəsizlik naziri olur
“Likud” partiyasının lideri Benyamin Netanyahu İsrail parlamentinin ekstremist üzvü İtmar Ben Guerin Daxili Təhlükəsizlik naziri təyin edilməsinə razılıq verib.
Dünən gecə Benyamin Netanyahunun rəhbərlik etdiyi Likud partiyası ilə İtmar Ben Guerin rəhbərlik etdiyi Yəhudiliyin Gücü arasında koalisiya sazişinin müddəaları imzalanıb və Ben Guer Sionist rejimin Daxili Təhlükəsizlik naziri vəzifəsini qazanıb.
“İ24” xəbər saytının məlumatına görə, bu müqavilənin şərtlərinə əsasən, Yəhudiliyin Gücü Partiyası Milli Təhlükəsizlik Nazirliyinin (Daxili Təhlükəsizlik Nazirliyindən daha çox səlahiyyətə malikdir) naziri vəzifəsini alıb.
Bundan əlavə, Ben Guer rəhbərlik etdiyi Yəhudiliyin Gücü Partiyası növbə ilə Daxili Təhlükəsizlik Komitəsinin sədrliyi və “İsrail Fondu” komitəsinin sədrliyini həyata keçirəcək.
Ehtimal olunur ki, Ben Guer sionist rejimin Daxili İşlər Naziri vəzifəsində vəzifəyə başladıqdan sonra tam bir əsgər korpusu yaradılacaq ki, onun vəzifəsi Tel-Əvivin nəzarətini sionist yaşayış məntəqələrinin küçələrinə qaytarmaq olsun.
Likud partiyasından olan sionist parlamentin üzvü Yarif Levin deyib: Bu, Benyamin Netanyahunun rəhbərlik etdiyi sabit sağçı hökumətin qurulması yolunda ilk razılaşmadır.
Ben Guer də dünən axşam Netanyahunun razılığından sonra iddia edib: “Bu gecə kamil koalisiya sazişi imzalamaq, tamamilə sağçı hökumət qurmaq üçün böyük bir addım atdıq.”
İtmar Ben Guer Knessetin (Sionist rejimin parlamenti) ən ifratçı üzvlərindən biridir; O, bir neçə dəfə silahlı şəkildə və sionist əsgərlərlə Əl-Əqsa məscidinə hücum edib.
İşğal olunmuş ərazilər daxilindəki bəzi şəxslər də onun Netanyahunun kabinetində hakimiyyətə gəlməsini sionist rejimin mövcudluğu üçün böyük təhlükə hesab edirdilər.
