Əl-Husi: ABŞ İsrailə hava körpüsü qurdu
Qəzzadakı müharibədə ilk növbədə ABŞ-ın məsuliyyət daşıdığını deyən Seyid Əbdül-Malik əl-Husi ABŞ-ın İsrailə dəstək üçün qurduğu hava körpüsünü tənqid edib.
Ənsarullah Hərəkatının lideri Seyid Əbdülməlik əl-Husi İsrailin Qəzzaya hücumlarının əsas məsuliyyətinin ABŞ-ın üzərinə düşdüyünü bildirib. Yəmən lideri bildirib ki, Vaşinqton İsrail işğalçı qüvvələrinə dəstək vermək üçün hava körpüsü yaradıb.
Əl-Husi ərəb dünyasını Fələstin müqavimətinə güclü və vahid dəstək verməyə çağırıb.
“Amerika-İsrail oxu bəşəriyyət üçün təhlükədir”
Əl-Husi televiziyadakı çıxışında ABŞ-İsrail əməkdaşlığının bəşəriyyət üçün ciddi təhlükə olduğunu bildirib və bu oxun insan həyatına dəyər vermədiyini vurğulayıb.
O, bildirib ki, Fələstin xalqının göstərdiyi qətiyyət və Qəzzada müqavimət əsl ərəb həmrəyliyi ilə qarşılanmalıdır.
İsrail uğursuz oldu
Əl-Husi qeyd edib ki, İsrail bir il yarımdan artıqdır davam edən müharibəyə baxmayaraq Qəzzada məqsədlərinə nail ola bilməyib. İsrailin üstün atəş gücünə rəğmən mühasirədə olan ərazini tam nəzarətə götürə bilmədiyi bildirilib.
Dünyanın İsrail işğalına baxışının dəyişdiyini vurğulayan əl-Husi, İsrailin artıq ABŞ və Avropa cəmiyyətlərində belə işğalçı və zalım bir güc kimi görünməyə başladığını bildirib.
Ərəb və müsəlman dünyasına çağırış
Ərəb və müsəlman ölkələrinin hökumətlərinə və xalqına müraciət edən əl-Husi Fələstin xalqına qarşı hücumları dayandırmaq üçün koordinasiyalı təzyiqlər göstərilməli olduğunu bildirib. O, Yəmənin həm rəsmi, həm də ictimai mövqeyinin Qəzzaya verdiyi dəstəkdə nümunə olduğunu bildirib.
Yəmənin hərbi hərəkətləri
Ənsarullah Hərəkatının lideri Yəmən Silahlı Qüvvələrinin son hərbi əməliyyatlarına da toxunub. O, Hayfa ərazisinə hipersəs ballistik raket hücumunun “düşmənə gözlənilməz zərbə olduğunu” deyib. Əl-Husi, ABŞ-ın rəhbərlik etdiyi hücumların uğursuz olduğunu və Yəmənin Qırmızı dəniz və ətraf sularda İsrail və ABŞ-la əlaqəli gəmiləri hədəf almağa davam edəcəyini söylədi.
ABŞ-da daxili böhran dərinləşir
Nəhayət, əl-Husi ABŞ Dövlət Departamentinin büdcə ixtisarını və bir çox səfirliklərin bağlanmasını Vaşinqtonun daxili böhranının göstəricisi kimi qiymətləndirib.
