Əl-Məyadin: Qırmızı dənizdə hədəf alınan İngiltərə gəmisi İsrail bombardmançıları üçün yanacaq daşıyırdı
Əl-Məyadin kanalı məlumatlı mənbələrə istinadən xəbər verib ki, cümə gecəsi Yəmən donanmasının hədəfinə çevrilmiş İngiltərə gəmisi sionist rejimin bombardmançıları üçün yanacaq daşıyır.
Əl-Məyadin kanalı məlumatlı mənbələrə istinadən əlavə edib ki, Yəmən donanmasının Qırmızı dənizdə hədəf aldığı Britaniya gəmisi Yunanıstana deyil, işğal olunmuş Fələstinə doğru gedir.
Bu mənbələr Əl-Məyadin-ə bildiriblər ki, tədarük və müdafiə üçün bu gəmini dəniz yolunda Amerika və İngiltərəyə məxsus 2 gəmi müşayiət edib, lakin Yəmən qüvvələri yaxınlaşıb münaqişə başlayanda iki mühafizə gəmisi münaqişə zonasından uzaqlaşıb və benzin daşıyan İngiltərə gəmisini tək qoyublar.
