Əl-Sisi Baydenlə söhbətində: Rəfahdakı əməliyyatın dağıdıcı nəticələri olacaq

Misir prezidenti Əbdülfəttah əs-Sisi amerikalı həmkarı ilə telefon danışığında Rəfah şəhərinə qarşı əməliyyatın regionun təhlükəsizliyi və sabitliyi üçün dağıdıcı nəticələri olacağını vurğulayıb.

Əl Aləm telekanalının məlumatına əsasən, Əbdülfəttah əs-Sisi və Amerika prezidenti Co Bayden telefonla söhbətində Misir və ABŞ arasında strateji əməkdaşlıq və müxtəlif səviyyələrdə ikitərəfli əlaqələrin gücləndirilməsi üçün birgə işlərin davam etdirilməsi vurğulanıb.

Əs-Sisi Qəzza zolağında humanitar yardıma tam və kifayət qədər çıxışın zəruriliyini və regionda münaqişələrin yayılmasının qarşısını almaq üçün səylərin zəruriliyini, həmçinin iki dövlətli həll yolunun vacibliyini vurğulayıb.

Fələstin probleminin bölgədə təhlükəsizlik, sülh və sabitliyin əldə edilməsinin bir yolu olduğunu vurğulayan Misir prezidenti Qəzzada hazırkı atəşkəs danışıqlarındakı dəyişikliklər və bu zolaqda sülhün bərqərar edilməsi səylərini, atəşkəs və əsirlərin mübadiləsini də müzakirə edib.

O, həmçinin Amerika prezidentinə bildirib ki, Qəzzanın cənubundakı Rəfah şəhərinə qarşı əməliyyat humanitar böhranın şiddətlənməsinə gətirib çıxaracaq və regionun təhlükəsizliyi və sabitliyinə dağıdıcı nəticələr verəcək.