Ənsarullah: Fələstinlilərin aclığına biganə qalan bütün hakimiyyətlər İsrailin cinayətlərinin şərikidir
Yəmən Ənsarullah hərəkatının lideri Fələstin xalqını aclıqdan öldürmək cinayətinin təkcə sionist düşmənlə məhdudlaşmadığını, əksinə, Fələstin xalqının iztirablarına şahid olan bütün biganə, xəsis və qorxaq hakimiyyətlərin bu cinayətlərə şərik olduqlarını qeyd edib.
Sizinyolun xarici medialara istinadən verdiyi məlumata əsasən, Seyid Əbdülməlik Əl-Husi bu gün (9 yanvar) deyib: Sionist düşmən bu rejimin hərbi nəzarət məntəqələri yaxınlığında Qəzzaya göndərilən yardımları yağmalamaq üçün xain və muzdlulardan ibarət qruplar yaradıb. Bu həftə İsrail hərbçiləri Qəzza zolağına məhdud şəkildə daxil olan yardımları birbaşa talan edib.
Ənsarullah lideri sionist düşmən Qəzzə zolağında qəsdən ağır vəziyyət yaratdığını, sistemli şəkildə bütün səhiyyə infrastrukturunu hədəf aldığını xatırladaraq deyib: İsrail düşməninin Kamal Ədvan xəstəxanasında törətdiyi cinayət açıq-aşkar beynəlxalq qanun pozuntusudur və Qəzza zolağında törədilən ən böyük cinayətlərdən biridir.
