Ənsarullah: Qəzzə xalqının sionistlərə qarşı müqaviməti təqdirəlayiqdir
Yəmən Ənsarullah Hərəkatının lideri Fələstin xalqına, xüsusən də Qəzzada döyüşənlərə ünvanladığı xüsusi mesajda onların sionist rejimin cinayətlərinə qarşı səbir və müqavimətini tərifləyərək deyib: Qəzza xalqı təkcə Ramazan orucunu tutmayıb, həm də oruc işğalçılar qarşısındakı müqavimət səbrinin savabını qazanıb.
Sizinyolun xarici medialara istinadən verdiyi məlumata əsasən, Əbdülməlik Bədrəddin əl-Husi bugünkü (30 mart) çıxışında Mübarizə meydanındakı Yəmən döyüşçülərinə, silahlı qüvvələrə, təhlükəsizlik qüvvələrinə və rəsmi qurumlara minnətdarlığını bildirərək ölkənin müdafiəsindəki rolunu vurğulayıb.
Yəmənin Ənsarullah hərəkatının lideri bu münasibətlə şəhid ailələri, yaralılar və məhbusları təbrik edərək, onların səbir və fədakarlığını yüksək qiymətləndirib.
Əbdülməlik Bədrəddin əl-Husi deyib: Xoş halına Qəzzə xalqının ki, soyqırım və mühasirəyə baxmayaraq, hələ də möhkəm dayanır.
Yəmənin Ənsarullah hərəkatının lideri müsəlmanları bu günlərdə aclıq, qətl, dağıntı və köçkünlüklə üz-üzə qalan Qəzza və İordan çayının qərb sahilindəki Fələstin xalqının vəziyyətini unutmamağa çağırıb.
