Ərəb rejimləri HƏMAS-ı silahları yerə qoymağa çağırır
Qətər, Səudiyyə Ərəbistanı və Misir də daxil olmaqla 17 ölkə, Avropa Birliyi və Ərəb Liqası ilə birlikdə HƏMAS-ı tərksilah etməyə və Qəzzadakı hakimiyyətinə son qoymağa çağırıb.
Qətər, Səudiyyə Ərəbistanı və Misir də daxil olmaqla 17 ölkə, Avropa Birliyi və Ərəb Liqası ilə birlikdə Həmas-ı tərksilah etməyə və Qəzzada hakimiyyətinə son qoymağa çağırıb.
Bu çağırış Birləşmiş Millətlər Təşkilatının İsrail və Fələstinlilər üçün iki dövlətli həll yolunun canlandırılmasına dair konfransında qəbul edilən yeddi səhifəlik mətndə səslənib.
AFP xəbər agentliyinin verdiyi məlumata görə, Qəzzada müharibənin dayandırılması kontekstində HƏMAS suveren və müstəqil Fələstin dövləti məqsədinə uyğun olaraq, beynəlxalq iştirak və dəstək ilə Qəzzada öz hakimiyyətinə son qoymalı və silahlarını Fələstin Muxtariyyətinə təhvil verməlidir .
Mətn bazar ertəsi günü Fələstin nümayəndə heyətinin BMT-dəki həm İsrail, həm də HƏMAS-ın Qəzzanı tərk etməsi və sahil xəttinin Fələstin Administrasiyası tərəfindən idarə olunmasına icazə verməsi çağırışından sonra verilib.
Bəyannamədə müharibəyə başlayan 7 oktyabr Əl-Əqsa tufanı əməliyyatı da pislənilib.
Fransa: Ərəb ölkələri ilk dəfə HƏMAS-ı pisləyir
Konfransa Səudiyyə Ərəbistanı ilə həmsədrlik edən Fransa bəyannaməni “həm tarixi, həm də görünməmiş” adlandırıb.
“Ərəb ölkələri və Yaxın Şərqdəkilər ilk dəfə olaraq HƏMAS-ı pisləyir, 7 oktyabrı pisləyir, HƏMAS-ı tərksilah etməyə çağırır, onun Fələstin Muxtariyyətindən çıxarılmasını tələb edir və gələcəkdə İsraillə münasibətləri normallaşdırmaq niyyətlərini açıq şəkildə bəyan edirlər”, – Fransanın xarici işlər naziri Jan Noel Barrot bildirib.
Qəzza üçün beynəlxalq sabitləşdirmə missiyası təklifi
Fransa, Böyük Britaniya və Kanada da daxil olmaqla Qərb ölkələri tərəfindən imzalanan mətndə münaqişə bitdikdən sonra Qəzzada sabitliyi təmin etmək üçün xarici qüvvələrin mümkün yerləşdirilməsi də səslənir.
Bəyannamədə deyilir: “Biz Fələstin Muxtariyyətinin dəvəti və BMT-nin himayəsi altında, BMT prinsiplərinə uyğun olaraq, BMT-nin mövcud imkanlarından istifadə etməklə və BMT Təhlükəsizlik Şurasının icazəsi ilə müvəqqəti beynəlxalq sabitləşdirmə missiyasının yerləşdirilməsini dəstəkləmişik”, – bəyanatda deyilir.
İsrail və onun müttəfiqi ABŞ görüşdə iştirak etməyib.
