Əraqçi: Trampın məktubunun cavabını Oman vasitəsilə göndərdik

İRNA-ya müsahibəsində xarici işlər naziri ABŞ prezidentinin məktubuna İranın rəsmi cavabının Oman vasitəsilə lazımi qaydada göndərildiyini açıqlayıb.

Xarici işlər naziri Seyid Abbas Əraqçi İRNA müxbirinin ABŞ prezidenti Donald Trampın göndərdiyi məktuba Tehranın cavabının vaxtı ilə bağlı sualına cavab olaraq deyib: İranın cənab Trampın məktubuna rəsmi cavabı lazımi qaydada dünən (26 mart 2025-ci il, çərşənbə) Oman ölkəsi vasitəsilə göndərilib.

Xarici işlər naziri davam etdi: Bu rəsmi cavab məktubunda mövcud vəziyyətlə bağlı fikirlərimiz və cənab Trampın məktubu tam şəkildə izah edilib və qarşı tərəfə məlumat verilib.

Əraqçi vurğulayıb: Bizim siyasətimiz hələ də maksimum təzyiq və hərbi təhdidlər şəraitində birbaşa danışıqların aparılmamasına əsaslanır, lakin dolayı danışıqlar keçmişdə olduğu kimi davam edə bilər. Dolayı danışıqlar həm cənab Ruhani hökuməti, həm də Şəhid Rəisi hökuməti tərəfindən aparılıb.