Əraqçi: Zelenskinin İrandan Rusiyaya raket göndərilmədiyini etiraf etməsi ilə Avropa bu məzhəkəyə son qoymalıdır
Xarici işlər naziri deyib: İndi hətta Ukrayna prezidenti də açıq şəkildə deyir ki, İranın heç bir raketi Rusiyaya verilməyib, Avropa İttifaqının bu məzhəkəyə son qoymasının vaxtı çatıb.
Seyid Abbas Əraqçi bu gün səhər, çərşənbə axşamı, noyabrın 5-i X sosial şəbəkəsində şəxsi hesabında paylaşdığı mesajda deyib: Avropa İttifaqı bu yaxınlarda hava yolları şirkətlərimizin Avropaya girişini qadağan etməklə iranlı və qeyri-iranlı sərnişinləri hədəf aldı. Bu, İranın Ukraynada istifadə etmək üçün Rusiyaya ballistik raketlər təhvil verməsi barədə yalan və əsassız iddia əsasında edilib.
O əlavə etdi: İndi hətta prezident Zelenskinin özü də açıq şəkildə deyir ki, İran raketləri Rusiyaya çatdırılmayıb, Avropa İttifaqının bu məzhəkəyə son qoymasının vaxtı çatıb.
Xarici işlər naziri qeyd edib: Tamamilə əsassız ittiham əsasında İranın sadə xalqını hədəfə almaq əxlaqsız hərəkət və aşkar səhvdir ki, dərhal aradan qaldırılmalıdır.
