Fələstin bütün ölkələri İsraillə münasibətlərə yenidən baxmağa çağırıb
Bütün ölkələr və BMT Fələstin ərazilərinin işğalı ilə bağlı BMT Beynəlxalq Məhkəməsinin məsləhətçi rəyini nəzərə alaraq İsraillə münasibətlərinə yenidən baxmalıdır.
Operativtv.com APA-ya istinadən xəbər verir ki, bunu Fələstin Prezidentinin beynəlxalq əlaqələr üzrə nümayəndəsi Riyad əl-Maliki jurnalistlərə açıqlamasında deyib.
O qeyd edib ki, Beynəlxalq Ədalət Məhkəməsi İsrailin Fələstin ərazilərində mövcudluğunu qeyri-qanuni elan etməklə öz hüquqi və mənəvi öhdəliklərini yerinə yetirib.
